ठाणे पोलिसांच्या गुन्हे शाखेकडून केलेल्या कारवाईत १५ गावठी कट्टा, २८ पिस्तूल जप्त, अवैध दारूच्या हातभट्टीवर छापेमारी, १८ हातभट्ट्या उध्वस्त
पोलीस महानगर नेटवर्क
ठाणे – विधानसभा निवडणुकीच्या पार्श्वभूमीवर ठाणे शहर पोलीस आयुक्त आशुतोष डुंबरे यांनी ठाणे शहर पोलीस आयुक्तालय हद्दीमध्ये कायदा व सुव्यवस्थेचा कोणताही प्रश्न निर्माण होऊ नये यासाठी कारवाई करण्याचे आदेश दिले होते. अवैध शस्त्रे बाळगणारे, विक्री करणारे यांचा शोध घेवुन त्यांचेवर कारवाई करणे,अवैध गावठी दारु निर्मिती, विक्री करणारे यांचेवर कठोर कारवाई करण्याच्या सुचना गुन्हे शाखेचे अधिकारी यांना दिल्या होत्या. गुन्हे शाखेच्या पोलिसांनी एकूण ७.५ लाखांचा शस्त्रसाठा जप्त केला असून तब्बल २५ लाखांहून अधिक रुपयांचे गावठी दारू पोलिसांनी नष्ट केले आहे. ठाणे गुन्हे शाखेच्या अधिकाऱ्यांनी विविध ठिकाणी कारवाई केली आहे. यामध्ये घटक-१, ठाणे, गुन्हे शाखा यांनी राबोडी पोलीस ठाणे व शिळ डायघर पोलीस ठाणेच्या हद्दीत केलेल्या कारवाईमध्ये आरोपी शिवमकुमार रामकिशन पपिलकुमार सत्रोहन लाल (दोन्ही रा. लखीनपुर, उत्तरप्रदेश) तसेच राहुल उर्फ काळया उर्फ मोहमद गुलजार पिर मोहमद खान (रा. शिळ-डायघर, ठाणे) यांच्या ताब्यातुन ५ गावठी बनावटीचे पिस्टल व ४ जिवंत राऊंड असा १.८५ लाख किंमतीचा मुद्देमाल जप्त करण्यात आलेला आहे. घटक-२, भिवंडी, गुन्हे शाखा यांनी भिवंडी शहर पोलीस ठाणे व शांतीनगर पोलीस ठाणे हद्दीत केलेल्या कारवाईमध्ये आरोपी श्रीकांत दत्ता वाघमारे (रा. नवी वस्ती, भिवंडी) व नुर मोहमद हनिफ अन्सारी, (रा. डोंगरपाडा, भिवंडी) यांच्या ताब्यातुन २ गावठी बनावटीचे पिस्टल व २ जिवंत राऊंड असा १ लाख ७० हजार ७०० रु किंमतीचा मुद्देमाल जप्त करण्यात आलेला आहे, घटक-५, वागळे इस्टेट, गुन्हे शाखा यांनी वागळे इस्टेट पो.स्टे.चे हद्दीत केलेल्या कारवाईमध्ये आरोपी सुमित चंद्रकांत पवार (रा. वागळेइस्टेट, ठाणे) याच्या ताब्यातून १ गावठी बनावटीचे पिस्टल व ७ जिवंत राऊंड असा १ लाख १२ हजार १२० रु किंमतीचा मुद्देमाल जप्त करण्यात आलेला आहे, घटक-३, कल्याण, गुन्हे शाखा यांनी मानपाडा पोलीस ठाण्याच्या हद्दीत केलेल्या कारवाईमध्ये आरोपी दिपक भिमाप्पा कोळी (रा. पिसवली, डोंबिवली पूर्व) याच्या ताब्यातून ३ गावठी बनावटीचे पिस्टल व ७ जिवंत राऊंड असा ७५ हजार रु किंमतीचा मुद्देमाल जप्त करण्यात आलेला आहे, घटक-४, उल्हासनगर, गुन्हे शाखा यांनी शिवाजीनगर पोलीस ठाणे व हिललाईन पोलीस ठाण्याच्या हद्दीत
केलेल्या कारवाईमध्ये आरोपी गणेश सुरेश लोंढे, (रा. ज्योती कॉलनी, उल्हासनगर) भगवान संभाजीत यादव (रा. कात्रपपाडा, बदलापुर) याच्या ताब्यातून २ गावठी बनावटीचे पिस्टल व ४ जिवंत राऊंड असा ५१ हजार ५०० रु किंमतीचा मुद्देमाल जप्त करण्यात आलेला आहे, खंडणी विरोधी पथकाने राबोडी पोलीस ठाण्याच्या हद्दीत केलेल्या कारवाईमध्ये आरोपी अब्दुल कलाम सलाम खान,( रा. कुर्ला, मुंबई) याच्या ताब्यातून २ गावठी बनावटीचे पिस्टल व १ जिवंत राऊंड असा ५० हजार रु किंमतीचा मुद्देमाल जप्त करण्यात आलेला आहे, मध्यवर्ती गुन्हे शोध पथकाने कळवा पोलीस ठाण्याच्या हद्दीत केलेल्या कारवाईमध्ये आरोपी अमरसिंग भगवान सिंग (रा. खारेगांव, कळवा ) याचे ताब्यातुन १ गावठी बनावटीचे पिस्टल व ४ जिवंत राऊंड असा ६० हजार ९०० रु किंमतीचा मुद्देमाल जप्त करण्यात आलेला आहे. आदी कारवाईचा समावेश आहे.
पोलिसांनी या संपूर्ण कारवाईमध्ये एकुण १५ गावठी बनावटीचे पिस्टल व २८ जिवंत राऊंड असा एकुण ७ लाख ५ हजार १२० रु चा मुद्देमाल हस्तगत करण्यात आलेला आहे.
गावठी हातभट्टी दारूच्या अड्ड्यावर पोलिसांची कारवाई
गावठी दारु निर्मिती व विक्रीच्या संदर्भात गुन्हे शाखेचे सर्व घटकांनी ठाणे शहर पोलीस आयुक्तालयाचे हद्दीत एकुण १८ हातभट्ट्या उध्वस्त करुन त्यात एकुण ४९ हजार ७८८ लिटर वॉश व गावठी दारु असा एकुण २५ लाख ३० हजार १५० रु चा माल नष्ट केला आहे तसेच गावठी हातभट्टी दारु तसेच अवैधरित्या विदेशी दारु विक्री करण्याबाबत १३१ कारवाया करुन त्यांचेकडुन एकुण ९ लाख ५९३ रु ची ५३५२ लीटर दारु पकडण्यात आलेली आहे.
सदर कारवाई ठाणे शहर डॅशिंग व कर्तव्यदक्ष पोलीस आयुक्त आशुतोष डुंबरे, पोलीस सह आयुक्त, ठाणे शहर, डॉ. ज्ञानेश्वर चव्हाण, अप्पर पोलीस आयुक्त (गुन्हे), डॉ. पंजाबराव उगले, पोलीस उप आयुक्त (गुन्हे), शिवराज पाटील, सहाय्यक पोलीस आयुक्त, शोध -२, राजकुमार डोंगरे, सहाय्यक पोलीस आयुक्त, शोध १, शेखर बागडे, सहाय्यक पोलीस आयुक्त, प्रतिबंध, गुन्हे, ठाणे शहर, धनाजी क्षीरसागर यांच्या मार्गदर्शनाखाली गुन्हे शाखेचे सर्व घटक कक्षाचे सर्व अधिकारी व अंमलदार यांनी संयुक्तीकरित्या उल्लेखनीय कामगिरी केली आहे.