अबब ! मुंबईत कॅश व्हॅनमध्ये आढळल्या तब्बल साडेसहा टन चांदीच्या विटा; करोडो रुपये किंमत
योगेश पांडे/वार्ताहर
मुंबई – विधानसभा निवडणुकीची आचारसंहिता सुरू असताना विक्रोळीत कॅश व्हॅनमध्ये तब्बल साडेसहा टन चांदीच्या विटा सापडल्या आहेत. विक्रोळी पोलीस व निवडणूक आयोगाच्या भरारी पथकानं पकडलेल्या या कॅश व्हॅनमध्ये चांदीच्या विटा आढळून आल्या,ज्याची किंमत करोडो रुपयांच्या घरात आहे. या चांदीच्या विटा मुलुंडमधील एका गोदामामध्ये ठेवण्यासाठी ब्रिंक्स या कंपनीच्या गाडीमधून चालल्या होत्या,याचवेळी पोलीस आणि निवडणूक आयोगाच्या पथकाकडून या वाहनाची तपासणी करण्यात आली.दरम्यान या वाहनात सापडलेल्या चांदीच्या विट्या या अधिकृत असल्याची माहिती समोर आली आहे.मात्र एवढ्या मोठ्या प्रमाणात चांदी आढळून आल्यानं खळबळ उडाली आहे. या प्रकरणात आता निवडणूक आयोग, इन्कम टॅक्स विभाग आणि पोलिसांकडून पुढील तपास सुरू असल्याची माहिती समोर येत आहे.