कुख्यात फरार एमडी तस्कर अखेर जेरबंद; दोन गावठी पिस्तूलसह १३ जिवंत काडतूसही जप्त
योगेश पांडे / वार्ताहर
नागपुर – उपराजधानी नागपूरच्या गुन्हेगारी विश्वातून एक बातमी समोर आली आहे. यात एका कुख्यात फरार एमडी तस्कराला जेरबंद करण्यात नागपूर पोलिसांना यश आले आहे. नागपूर पोलिसांच्या एनडीपीएसच्या पथकाने ही कारवाई करत त्याला अटक केली आहे. शेख अतिक शेख लतिफ असं या अटक केलेल्या एमडी तस्कराचे नाव असून तो नागपूरचा कुख्यात अमली पदार्थ तस्कर आहे. विशेष बाब म्हणजे या कारवाई दरम्यान पोलिसांनी संशयित आरोपीकडून दोन गावठी पिस्तूल आणि १३ जिवंत काडतूस देखील जप्त केले आहे. सध्या या प्रकरणाचा अधिक तपास पोलीस करत आहेत. शेख अतिक शेख लतिफ हा एक कुख्यात अमली पदार्थ व एमडी तस्कर आहे. गेल्या काही दिवसांपासून तो फरार असून पोलीस त्याच्या मागावर होते. अखेर या फरार संशयित आरोपीला नागपूर पोलिसांच्या एनडीपीएसच्या पथकाने अटक केली आहे. या कारवाई दरम्यान पोलिसांनी संशयित आरोपीकडून दोन गावठी पिस्तूल आणि १३ जिवंत काडतूस जप्त केले आहे. तो वाठोडा भागात एका घरात असल्याची माहिती पोलिसांना मिळाली होती. या माहितीच्या आधारे सापळा रचत त्याला अटक केली आहे. तो नागपूरच्या पाचपवली पोलीस स्टेशन अंतर्गत ड्रग जप्ती प्रकरणात फरार होता. त्याला क्राईमब्राँच पथकाकडून अटक करण्यात आली आहे.