पुण्यात ‘सीक्रेट ऑपरेशन’ची धडाकेबाज कारवाई; अहिल्यानगर गुन्ह्यातील सराईत आरोपी जेरबंद
पोलीस महानगर नेटवर्क
पुणे : शहरात मोठी खळबळ उडवणाऱ्या अपहरण आणि हत्येच्या प्रयत्नाच्या गंभीर गुन्ह्यातील फरार आरोपींना अखेर पुणे पोलिसांनी अटक केली आहे. पुणे पोलीस यांच्या क्राईम ब्रांच युनिट २ ने अत्यंत गुप्त पद्धतीने ‘सीक्रेट ऑपरेशन’ राबवत ही कारवाई केली. शिवाजीनगर परिसरातून आरोपींना जेरबंद करण्यात आले.
मिळालेल्या माहितीनुसार, श्रीगोंदा (अहिल्यानगर) येथील अपहरण आणि हत्येच्या प्रयत्नाच्या गुन्ह्यातील मुख्य आरोपी काही दिवसांपासून पुण्यात नाव व ओळख बदलून लपून राहत होते. पोलिसांना त्यांच्या हालचालींची गुप्त माहिती मिळाल्यानंतर सापळा रचण्यात आला.
तपासादरम्यान या आरोपींवर २० हून अधिक गंभीर गुन्ह्यांची नोंद असल्याचे उघड झाले आहे. खून, अपहरण, दरोडा यांसारख्या गुन्ह्यांमध्ये त्यांचा सहभाग असल्याची माहिती पोलिसांनी दिली. त्यामुळे हे आरोपी सराईत गुन्हेगार असल्याचे स्पष्ट झाले आहे.
शिवाजीनगर परिसरात क्राईम ब्रांच युनिट २ ने सुसूत्र नियोजन करत अचानक छापा टाकला आणि कोणताही प्रतिकार होण्यापूर्वी आरोपींना ताब्यात घेतले. या कारवाईत पोलिसांनी मोठी सावधगिरी बाळगली होती.
दरम्यान, हे आरोपी पुण्यात कोणाच्या आश्रयाला होते का, याबाबत पोलीस अधिक तपास करत आहेत. स्थानिक पातळीवर कोणत्या व्यक्ती किंवा नेटवर्कने त्यांना मदत केली का, याचाही शोध घेतला जात आहे.
पुणे पोलिसांच्या या धाडसी कारवाईमुळे शहरातील गुन्हेगारीविरोधातील कारवाईला मोठा बळ मिळाल्याची चर्चा असून, नागरिकांकडून पोलिसांच्या तत्परतेचे कौतुक केले जात आहे.