तिसऱ्या माळ्यावरून वीट मारुन फेकल्याने मजुराच्या डोक्यास गंभीर दुखापत
प्रतिनिधी – उमेश पांढारकर (नंदुरबार)
नंदुरबार : शहादा येथील सोनार गल्लीत घर पाडण्याचे काम करु नये म्हणून मजूरांना वीट मारुन फेकल्याने एका मजूराच्या डोक्याला वीट लागल्याने त्याला गंभीर दुखापत झाली याप्रकरणी दोघांविरुद्ध पोलिसांत गुन्हा दाखल करण्यात आला आहे.
याबाबत पोलिसांनी दिलेल्या माहितीनूसार, शहादा तालुक्यातील न्यू असलोद येथील दीपक जयसिंग साळुंखे व त्याचेसोबतचे मित्र शहादा येथील सोनार गल्लीतील डॉ.चेतन बिर्ला यांचे जुने घर पाडण्याचे काम करीत होते. यावेळी योगेश सुरेश सोनार व वैभव विनायक सोनार (दोघे रा.सोनार गल्ली, शहादा) यांनी दीपक साळुंखे व त्याच्यासोबत असलेल्या मित्रांना घर पाडण्याचे काम करु नका असे सांगितले. तसेच तिसऱ्या माळ्यावरुन वीट मारुन फेकल्याने दीपक साळुंखे याच्या डोक्यास वीट लागल्याने गंभीर दुखापत झाली. याबाबत दीपक साळुंखे यांच्या फिर्यादीवरुन शहादा पोलिस ठाण्यात योगेश सोनार व वैभव सोनार यांच्याविरोधात भादंवि कलम ३०७, ३४ प्रमाणे गुन्हा दाखल करण्यात आला आहे. अधिक तपास सहाय्यक पोलिस निरीक्षक गणेश पवार करीत आहेत.
