पाच घरफोड्यांत साडेतीन लाखांची चोरी

पोलीस महानगर  : परवेज शेख

शहरात घरफोड्यांचे प्रकार सुरूच असून, वेगवेगळ्या ठिकाणी पाच झाल्या आहेत. आंबेगाव बुद्रुक येथील बंद फ्लॅट फोडून रोकड व सोन्याचे दागिने असा एक लाखांचा ऐवज चोरून नेला आहे, तर लोहगाव येथे ६० हजार रुपयांचा ऐवज घरफोडी करून नेला आहे. कोंढवा बुद्रुक परिसरात शेजारी असलेल्या फ्लॅट व रो हाउसमध्ये घरफोडी झाली आहे. पाषाण येथे एक लाख ८८ हजारांचा ऐवज चोरीला गेला आहे. दररोज रात्रीबरोबच आता दिवसाही घरफोडीचे प्रकार समोर येत असताना नेमकी गस्त कुठे सुरू आहे, असा प्रश्न निर्माण झाला आहे.

पाषाण येथील बाणेर लिंक रस्त्यावरील बेलरोज सोसायटीत २०१ क्रमांकाचा बंद फ्लॅट चोरट्यांनी फोडल्याचे समोर आले आहे. या प्रकरणी ७८ वर्षीय व्यक्तीने तक्रार दिली आहे. जानेवारी महिन्यात कामानिमित्त बाहेर गेलेल्या सदनिकाधारकास घरफोडी झाल्याचे समजले. त्यानंतर शुक्रवारी ते पुण्यात आले. त्यांच्या सदनिकेतून आठ हजार रुपये रोख, सोन्याचे दागिने, आर्टिफिशिअल ज्वेलरी असा एकूण एक लाख ८८ हजार रुपयांचा ऐवज चोरी करून नेल्याचे समोर आले. त्यांनी चतुःशृंगी पोलिसांना माहिती दिली असून, गुन्हा दाखल झाला आहे. या प्रकरणी सीसीटीव्हीद्वारे आरोपींचा माग काढला जात आहे.

कात्रज-कोंढवा रस्त्यावरील गोकुळनगर येथे शेजारी-शेजारी असलेल्या सदनिका व रो हाउसमध्ये घरफोडीचा प्रकार शुक्रवारी दुपारी समोर आला. बंद सदनिकेतून चोरट्यांनी ३८ हजार रुपयांचा ऐवज चोरून नेला, तर शेजारच्या रो-हाउसमध्ये चोरट्यांना काहीही हाती लागले नाही. या प्रकरणी रवींद्र पिसाळ (३१) यांनी तक्रार दिली आहे. त्यानुसार कोंढवा पोलिस ठाण्यात घरफोडीचा गुन्हा दाखल करण्यात आला आहे.

एक तासात घरफोडी

आंबेगाव बुद्रुक येथील दत्तनगर चौकातील वैभव लक्ष्मी बिल्डिंग येथे राहणारे ज्ञानेश्वर कोळी (वय ३५) यांच्या घरातून एक लाख रुपयांचा ऐवज घरफोडी करून नेल्याचे समोर आले आहे. तक्रारदार रिक्षाचालक आहेत. एक एप्रिल रोजी तक्रारदार रिक्षा घेऊन गेले. त्यानंतर दुपारी एक वाजता त्यांची पत्नी खरेदीसाठी बाहेर गेली. त्यानंतर चोरट्यांनी त्यांच्या घरातून २५ हजार रुपये आणि ७५ हजार रुपये किमतीचे दागिने असा एक लाख रुपयांचा ऐवज चोरला. तक्रारदार तासाभराने परत आल्यावर त्यांनी या प्रकाराबाबत पोलिसांना माहिती दिली. भारती विद्यापीठ पोलिस ठाण्याचे सहायक निरीक्षक वैभव पवार अधिक तपास करत आहेत.

भरदिवसा घरफोडी

लोहगाव परिसरातील मोझेनगर येथे राहणारे गणेश इंगळे (वय ३५) यांच्या बंद घराचे कुलूप तोडून सोन्याचे दागिने, टीव्ही असा ५९ हजार रुपयांचा ऐवज नेल्याचे समोर आले आहे. या प्रकरणी विमानतळ पोलिस ठाण्यात घरफोडीचा गुन्हा दाखल करण्यात आला आहे. तक्रारदारांच्या घरातील सर्व जण दुपारी एक ते तीनदरम्यान कामानिमित्त बाहेर गेले होते. तेव्हा चोरट्यांनी टीव्ही, लॅपटॉप, सोन्याचे दागिने चोरून नेले. तक्रारदार घरी आल्यावर हा घरफोडीचा प्रकार समोर आला.

Leave a Reply

Your email address will not be published. Required fields are marked *

पुलिस महानगर न्यूज़पेपर के लिए आवश्यकता है पूरे भारत के सभी जिलो से अनुभवी ब्यूरो चीफ, पत्रकार, कैमरामैन, विज्ञापन प्रतिनिधि की। आप संपर्क करे मो० न० 7400225100,8976727100
error: Content is protected !!
%d bloggers like this: